Ginpahayag sang opisyal sa Department of Health (DOH) nga dako ang posibilidad nga mapaslawan ang gobyerno sa paglab-ot sa 1.8 million nga dugang nga Filipinos nga target mabakunahan sa fourth wave sang “Bayanihan, Bakunahan” national vaccination drive.
Suno kay Health Undersecretary and National Vaccination Operation Center (NVOC) chairperson Dr. Myrna Cabotaje, nga sa ikaduha nga adlaw sang three-day initiative, 44.49 percent lang sang target ang nabakunahan ukon kabug-usan nga 836,162 doses ang nabakuna.
Pahayag sini nga may kabudlayan kag madamo sang factors kun ngaa wala nagakalab-ot ang target nga 1.8 million.
Paathag sini nga naga-ekspektar sila nga bangod Sabado ang ikatatlo nga adlaw mas maganubo ang turnaout nga ginalantaw magadangat lang sa 60,000 tubtob masobra isa ka milyon sa sulod sang tatlo ka adlaw.
Ang Bayanihan Bakunahan 4 ang ginpatigayon sang Marso 10 tubtob 12, nga nagalaom nga maka-engganyo sang dugang nga senior citizens kag kabataan nga magapabakuna batok sa COVID-19.
Suno kay Cabotaje, isa sa mga rasun sa kapaslawan nga malab-ot ang 1.8 million target ang bangod sa pag-ulan ulan kag pagbaha sa pila ka mga lugar.
Ini ang nagresulta naman agud nga ang mga pumuluyo ang indi makagwa kag ang mga vaccinators ang indi makapatigayon sang house-to-house nga pagbakuna.
Ginpahayag sini nga pila ka mga Filipinos ang sa karun nagakumpyansa kag nagapaminsar nga indi na kinahanglan ang primary kag booster dose kadungan sa pagnubo sang COVID-19 infections nationwide.
Dugang pa sini nga madamo pa sila sang wala pa mabakunahan partikular na sa mga senior citizens.
Dugang pa nga may kabudlayan ang mga ini sa pagkumbinsir sa mga senior citizens nga magpabakuna, ilabi na nga ginapanindugan sang mga ini nga wala man sila sang iban nga padulongan gani indi na sang mga ini kinanhanglan nga maggwa.
Sa dugang pa nga ihibalo, ang vaccination output sa MARMM kag Mimaropa Regions ang nagapabilin nga manubo ilabi na nga 15,000 kag 14,000 lang ang nabakunahan sa una nga duha ka adlaw sang inisyatibo.
