Nagalaom ang provincial administrator sang Negros Occidental nga mahimo man sang Iloilo City nga matapna ang pagduging sang COVID-19 cases samtang temprano pa, kaangay sang ginhimo sang Negros Occidental sang nagsaka ang kaso sang tinalikdan.
Suno kay Atty. Rayfrando Diaz, madamo sang maapektuhan nga negosyo kag mga trabahante sa isa ka semana nga suspensyon sang byahe sa Negros Island-Iloilo kag vice versa, ilabi na sa mga masami nga nagatabok-tabok para sa project reports kag business transactions.
Dugang pa sini nga isa man sa pinaka-apektado amo ang mga operators sang mga commercial sea vessels.
Samtang nagapalab-ot man sang all-out nga suporta ang Negros Occidental Provincial Government sa desisyon sang Iloilo City, kag nagapati nga ang tikang ang makabulig sa ciudad agud nga matsekyar ang status sang COVID-19 sa ila nga lugar.
Samtang ginpakigbahin man sini nga dako nga bentaha kun yara sa sentro kag malapit sa mga regional office ang mga local government units (LGUs) bangod gilayon nga nagadangat sa National Government ang ila nga mga concerns.
Madumduman nga nagrequest man sang tinalidan ang Negros Occidental nga magpasaka sang quarantine status bangod sa tuman nga pagtaas sang kaso sang COVID-19, apang wala ini ginpahanugutan sang National Government.
Apisar sina, nahemo gihapon sang probinsya nga macontain ang paglapta sang virus kag mapanubo ang pagsaka sang kaso.
Pahayag ni Diaz nga doble ang nangin pagtinguha nila sa paglagas sang mga natapikan sang balatian kag nagpatigayon na sang proactrive efforts antes paman maglala ang problema.
Suno kay Diaz, ini man ang luyag nila nga matabo sa ciudad sang Iloilo.
