10 anyos nga babayi sa Silay, gina-alegar nag-utas sang kabuhi bangod sa pagpangimon sa manghod

Patay ang 10 anyos nga babayi nga nag-utas sang iya kaugalingon nga kabuhi sa ciudad sang Silay, Negros Occidental, sang Sabado, pasado alas-4:00 sang hapon.

Sa interview sang Bombo Radyo Bacolod kay Police Lt. Col. Mark Anthony Darroca, hepe sang Silay City Police Station, sa imbestigasyon nagsunggod ang biktima sa manghod sini nga babayi nga pito ka tuig bangod sa gina-alegar nga mas ginapaboran ang manghod sang sa iya.

Suno kay Darroca, yara man sa balay ang mga ginikanan sang mga bata apang ang bata nag-utas sang iya kaugalingon nga kabuhi sa likod sang ila balay.

Gintinguhaan pa sang pamilya nga dal-on ang ila bata sa ospital apang wala na nahingagaw pa nga masalbar.