Wala na sang extension ang napulo ka adlaw nga nationwide voter’s registration para sa Barangay and Sangguniang Kabataan Elections (BSKE).
Una na nga ginpahayag sang Commission on Elections nga ang numero sang mga nagparehistro ang nagdangat na sa malapit 900,000 sa nagligad nga apat ka adlaw, malapit sa target nga 1 million para sa registration period.
Apang suno kay Comelec Spokesperson John Rex Laudiangco, indi na nila ini pag-iextend.
Suno diri, sa karun wala pa sang may nagakakita nga rason ang Comelec agud mag-extend.
Suno sa iya, daw kaangay nga magalapaw sila sa ila projected target kag may nagakaigo nga adlaw kag madamo nga venues nga ginbuksan ang Comelec.
Magluwas diri, kinahanglan nila nga iproseso ang voter’s registration kag napadala na ini sa mga opisina kun diin dapat magaparehistro ang mga botante.
