Napulo tanan ka balay ang iga-demolish sa Zone 3, Purok Tinagong Paraiso, Barangay Banago, Bacolod City.
Sa interview sang Bombo Radyo sa residente nga si Jenilyn Pabalate, nakaligad pa nga bulan sang sila ginahatagan sang warning nga iga-clear ang sapa apang sila ginpasalig nga indi madalasa ang iban nga balay.
Suno diri, nakaligad nga semana nag-umpisa na sa pag-operate ang back hoe kag sila ginpabalo nga tanan nga balay ang maapektuhan sang clearing operation.
Sila ginhambalan man nga kun sila indi maghalin, gub-on ang ila balay.
Suno kay Pabalate, nasettle na sa barangay ang ila problema kag ginahulat na lang ang petsa kun san-o sila maga-atubangay kag kun sa diin sila mahimo nga isaylo.
Pahayag ni Pabalate, humalin sang tuig 2013 pa sila nagapuyo didto apang willing man sila maghalin bangod ila man naintindihan nga indi sila ang nagapanag-iya sang duta.
