Napulo ka mga Punong Barangay sa ciudad sang Bacolod ang magapatuman sang “No Segregation, No Collection” policy.
Madumduman nga una na nga ginlunsyar sang Brgy Handumanan ang ‘no segregation, no collection’ policy sa ila anom ka mga Purok.
Suno kay Bacolod City Mayor Greg Gasataya, insakto ang ginhimo sang Brgy Handumanan bangud kinahanglan kun may i-implement, magasugod gid sa gamay.
Suno sa Alkalde, dapat masugod sa mga pilot areas agud ma-assess kag ma-evaluate kun ano ang kinahangalan nga i-improve kag diin applicable agud ma-replicate man sa iban nga Barangay.
Nagpasalig si Mayor Greg nga suportado sang cuidad ang ginlunyar nga “No Segregation, No Collection” sang Brgy Handumanan.
Pahayag sini nga ang Bacolod Environment and Natural Resources Office (BENRO) kaupod ang iban pa nga volunteer groups ang may ginahimo na nga mga tikang para sa biodiveristy program.
Dugang pa sang akalde nga ginatinguhaan sang ciudad nga marelease ang garbage share sang tagsa ka mga brgy agud magamit sa pagpatuman sang iban pa nga proyekto kag solid waste management.
