Nagpauli nga malipayon ang 10 ka mga winners sa ulihi nga Palengke Draw sang Swerte sa Palengke Promo 2024 nga ginpatigayon sa Batangay Bata Public Market.
Ang 10 ka winners ang nagpauli sang P1,000 cash kag P500 worth sang gift pack.
Dako ang kalipay ni Reylaine Horilla, nagabaligya sang utan kag isda, nga siya ang nagabutan pinaagi sa iya proof of purchase nga Surf powder.
Ang nadag-an nga cash ang iya idugang sa inugpangumpra sang produkto nga iya ibaligya.
Samtang salbar naman ang maintenance nga bulong, bugas kag sud-an ni Norma Bandolon, sang Purok Pine Tree, Barangay Bata, Bacolod City matapos magdaog pinaagi sa iya ginhulog nga proof of purchase sang Orocan.
Kasubong man si Marilyn Garcia, nga nagdaog pinaagi naman sa proof of purchase nga Whitfield ointment.
Ang cash nga iya nabatun ang ibakal naman sini sang bugas kag sud-an para sa iya panimalay.
Tuman ang pagpasalamat sang mga ini sa Bombo Radyo kag Star FM kag sa mga sponsors, kag nagpangagda man ang mga ini sa iban pa nga maghulog sang entries para sa tyansa nga makadaog sa grand draw.
Magluwas sa ila kalakip man sa nagdaog sanday Sandra Plateros, sang Alunan Baybay, Barangay 35, Bacolod City nga nagdaog pinaagi sa Surf powder; Apolonio De La Rosa sang Purok Tongoy, Barangay Bata pinaagi sa R.Florete Pawnshop and Jewelry; Melanie Matillano, nga nagdaog pinaagi sa Revicon; Venus Lumagbas sang Prk Sawmil 1, Brgy Bata pinaagi sa Gardenia; Ederhea Dalmeno sang Prk Malipayon, Brgy 35 pinaagi sa Surf powder; Sheryl Villapa sang banwa sang Murcia pinaagi sa Surf Powder kag Jenely Alolod sang Prk Magbinuligay, Brgy Bata pinaagi sa R.Florete Pawnshop and Jewelry.
