Napulo ka mga baruto ang narecord nga nadamage bangod sa malain nga tiyempo.
Sa interview sang Bombo Radyo Bacolod kay Maricar Quiro, office in charge sang Department of Agriculture – Bacolod City, sila ang nakapanghatag na sang fishing gears kag repair kits para sa mga sakayan nga nag-angkon sang minor damages.
Apang paathag sini nga kinahanglan nga may pamatuod sang damages kaangay sang litrato agud ma-aprubahan ang paghatag sang bulig.
Ang mga recorded nga damages ang kalabanan tuga sang paghampak sang mabaskog nga balod sa mga nakastandby nga fishng vessels.
Sila ang wala naman nagahatag sang financial assistance bangod sila ang may insurance gikan sa Philippine Crop Insurance Corporation.
Suno kay Quiro, agud makabatun sang bulig gikan sa gobyerno, ang mga boat owners ang kinahanglan nga magparehistro.
Kun sila ang registered, miyembro man sang asosasyon ukon indi, sila ang hatagan sang bulig.
Sa karun, ginahikutar sang DA-Bacolod City nga mahatagan man sang food packs ang mga mananagat nga apisar wala nagub-an sang sakayan, apang wala nakabyahe sang pila ka adlaw bangod sa delikado nga pagbalod.
Ang rehistrado nga boat owners sa Bacolod City ang nagadangat sa 200, samtang masobra 200 naman ang record sang mangingisda kalakip ang mga helpers.
Sa bahin sang agrikultura, pasalig ni Quiro nga wala sang damages sa mga talamnan bangod late na nakapananom sa Bacolod City.
Suno diri, dako ang kahalitan sang baha sa humayan kun ini ang malapit na nga iharvest.
