Napulo ka critically endangered pigeons gikan sa Singapore ang gin-turn over sa Negros Forest Park sa Bacolod City sang Huwebes.
Ini ang pinakauna nga repatriation sang Negros Bleeding-Heart Pigeons ukon Gallicolumba keayi sa idalum sang captive breeding program nga nagatuyo nga masiguro ang survival sang mga species.
Sang Setyembre 2021, tatlo ka breeding pairs sang Negros Bleeding-Heart Pigeons ang ginpadala sa Singapore.
Ang Negros Bleeding-Heart Pigeon ang ginakonsiderar nga critically endangered species nga makit-an lamang sa Negros kag Panay.
Santo sa EDGE of Existence, nga isa ka animal conservation group, may yara lamang sang 70 tubtob 400 sang nasambit nga klase sang pigeons ang nabilin sa bug-os nga kalibutan.
Suno kay Negros Occidental Governor Eugenio Jose Bong Lacson, ang survival sang Negros Bleeding-Heart Pigeon nagabase indi lamang sa breeding programs apang amo man sa collective efforts sa reforestation, conservation education, kag community engagement.
