Patay ang indi magnubo sa napulo ka priso kag isa ka bisita samtang 16 naman ang pilason sa nagluntad nga makamamatay nga riot sa isa ka prisohan sa Sinaloa, northwestern Mexico, lugar nga lapnagon ang krimen kag bayolente nga pamatasan.
Santo sa mga otoridad, natabo ang insidente kahapon sang aga, sa El Castillo Penitentiary.
Santo sa report, naggamit ang mga preso sang armas-luthang sa kinagamo.
Kasunod sang riot, nagresponde ang mga otoridad gikan sa militar, National Guard, navy, kag state security forces agud ma-kontrol ang sitwasyon.
Suno sa federal security cabinet sang pungsod, ang prisohan sa diin napahamtang ang 1,800 ka inmates, ang ginkumpirmar nga “under control” na.
Overcrowding ang ginalantaw isa sa rason kun ngaa lapnagon ang korapsyon kag prison-violence dugang pa sang kakulangan sa personnel, suno sa mga analysts.
Sang nakaligad nga Mayo, nagluntad man ang isa ka riot sa diin nautas ang kabuhi sang pito ka inmates.
