Nag-umpisa na ang pagpanghatag sang 10 kilo nga local premium rice sa mga Senior Citizen nga 65 anyos pasaka nga wala sang local ukon national social pension sa Bacolod City.
Sa interview sang Bombo Radyo Bacolod kay Bacolod City Mayor Greg Gasataya, ini ang inline sa programa sang National Government nga nagatuyo nga mabuligan ang mga senior citizen nga wala sang social pension.
Nasuguran na ang 1st tranche subong nga semana, kun sa diin una na nga nahatagan ang mga 65 years old pasaka nga senior citizen sa Brgy Sum-ag kag Cabug kun sa diin nagdangat na sa duha ka libo ang una nga nahatagan.
Samtang sila ang magaresume sa pagpanagtag sa Brgy Granada kag Taculing sa Lunes tubtob nga matapos ang 61 ka Barangay.
Ang programa ang may apat ka tranches, gani magadangat sa 40 kilos ang kabug-usan nga mabatun sang mga senior citizen.
Ang kada Barangay ang may-ara man sang senior citizen association, kag ang ila mga listahan na lamang ang ginabasihan, kag ginaverify kun sin-o ang mga kwalipikado nga makabatun sang bulig.
Hingyo naman sang alkalde nga hangpon lamang anay sang iban nga senior citizen, nga gina-una mahatagan sang bulig ang mga wala gid sang may ginabatun nga social pension.
