Ginkumpirmar sang spokesperson sang Negros Electric and Power Corp. (NEPC) nga ipadala sang MORE Power ang ila Ten MegaVolt Amperes (10MVA) Mobile substation sa ciudad sang Bacolod halin sa ciudad sang Iloilo.
Sa interview sang Bombo Radyo Bacolod kay Jonathan Cabrera, ang mobile substation ang ikarga sa trailer truck kag isakay sa Roll on roll off shipping (RoRo) vessel agud nga matabok diri sa ciudad sang Bacolod.
Suno kay Cabrera, ang mobile substation ang mahalin sa ciudad sang Iloilo alas 6:00 ang takna sang aga subong nga adlaw, Agosto 24, agud nga magbiyahe padulong sa ciudad sang Bacolod.
Ini ang ipahulam sang MORE Power ang sister company sang NEPC kag ang mga nagaconnect diri agud magkuha sang supply sang kuryente ang isaylo anay sa iban nga mobile substation sa ciudad sang Iloilo.
Matapos nga makaabot sa ciudad, magadirekta ini sa Alijis substation kun sa diin didto maplastar.
Suno kay Cabrera, isaylo ang mga connection sang 69KV sang National Grid Corporation of the Philippines sa mobile substation kag iconnect sa control panel sang Alijis Feeder 3.
Sa tion nga maconnect, tsekyaron man ang kondisyon sang power transformer bangud ginbiyahe ini kag ginalauman nga mabalik ang kuryente ukon maenergize sa Martes, Agosto 27.
Sa nasambit nga adlaw lauman sang mga nagsuprer sang rotational nga maeksperyensyahan ang bastante nga supply sang kuryente.
Nagapangayo man ini sang pasaylo bangud sa inconvenience nga gintuga sang brownout apang nagpasalig ini nga mabalik ang supply sa labing madali nga panahon.
