Nagdangat na sa indi magnubo sa napulo ka tawo ang napatay kag halos 11 ang nasamaran matapos ang pagpangluthang sang duha ka armado nga lalaki sa mga sibilyan sa Bondi Beach, Australia sini nga Domingo, Disyembre 14, 2025.
Suno sa report, yara na sa kustodiya sang mga kapulisan ang mga suspek kag ang isa ang yara sa kritikal nga kahimtangan matapos nga maigo sang bala sang nagbayluhanay sang lupok sa mga otoridad.
Samtang, ginpahayag ni Prime Minister Anthony Albanese nga ang natabo nga insidente ang isa ka “shocking and distressing”.
Sa pihak nga bahin, wala pa sang ginhatag nga impormasyon ang mga otoridad nahanungod sa rason sang insidente samtang nagapadayon ang imbestigasyon.
Ang natabo nga pagpangluthang amo ang pinakabag-o nga narekord nga mass shooting sa sulod sang 29 ka tuig.
