Lunsay negatibo ang resulta sang napulo ka mga samples nga ginpadala sang Bacolod City Health Office sa Department of Health 6 agud tsekyaron kun positibo ini sa japanese encephalitis.
Suno kay Bacolod City Health Officer Dr. Grace Tan, ang japanese encephalitis ang isa ka viral infection kaangay sang dengue apang ini ang gintuga sang lamok nga may species nga culex.
Suno diri, ang mga lamok nga ang primary host amu ang baboy, baka, karabaw kag pispis ang nagatransport kag nagadala sang virus sa tawo.
Paathag sini nga ang sapat ang indi sarang nga magpositibo sa JEV kag tawo lamang ang apektado diri.
Tanan nga age group ang sarang naman sini nga makagat.
Posible nga mangin symptomatic ukon asymptomatic ang makagtan sini kag magasuprer sang hilanat, pagsakit sang ulo, pagsuka kag pagdelirio.
Suno sa iya, ang ini nga virus ang makaapekto sa utok sang tawo kag makatuga sang brain infection nga 20 to 30 percent fatal.
Ang lamok ang masami nga nagaistar sa fresh stagnant water gani nagapanugyan ini nga ilisan gid ang mga tubig nga pwede itlugan sang lamok.
Samtang, negatibo naman ang napulo ka mga samples nga may history sang neurologic symptoms nga ginpadala sang ciudad sang DOH Region 6 para sa confirmatory test.
