10 stalls sang flower vendors sa atubang sang pribado nga sementeryo sa Brgy 12, ginsaylo

Napulo ka stall ang ginpasaylo sang Bacolod City Legal Office matapos nga wala nagsunod sa nakasugtan nga pwesto nga ginhatag para sa ila.

Ginpahalin sang city legal office ang napulo ka stall sa bahin sang Rizal Street, Brgy 12 agud pasayluhon sa Araneta kag Gatuslao St.

Ini kasunod sang pagdagsa sang mga customers para magbakal sang bulak agud ihalad para sa UNDAS nga nagtuga sang mabug-at nga lakat sang trapiko pasulod sa private cemetery.