Ginpahayag sang pinuno sang Bacolod Traffic Authority Office (BTAO) nga ginapahanugutan ang mga modernized jeepney nga magstanding sa mga pasahero apang dapat ginasunod ang seating capacity.
Sa interview sang Bombo Radyo Bacolod kay Police Major Junji Liba, ginapahanugutan ang mga modernized jeepney sang standing bangud nalakip sa ila seating capacity sini ang 10-12 ka mga pasahero ang mahimo magstanding.
Suno kay Liba, bangud sa ginpadala sa Bombo Radyo Bacolod nga video sang tuman ka gutok nga mga pasahero ukon sobra sa seating capacity sa ginsakyan sini nga modernized jeepney, magapanugyan ini sa mga operator tsekyaron ang mga nagabiyahe nga units kag abisuhan ang mga driver kag konduktor nga sundon ang aprubado nga seating capacity sang salakyan.
Aminado man ini nga indi pa mahatagan sang BTAO sang atensyon ang mga modernized jeepneys bangud nagatutok ang mga ini sa karun sa trapiko.
Ginpahayag man ni Liba nga may yara sila sang ginadihon sa karun nga traffic design para sa loading kag unloading area sang mga modernized jeepneys agud indi na sila magkuha sa bisan diin lang nga pasahero.
