Nagapadayon ang repatriation sang mga otoridad sang mga overseas Filipino workers nagikan sa Lebanon sa tunga sang paglala sang gyera sa tunga sang Hezbollah kag Israeli.
Sang Sabado, ginhangkat sang Philippine Embassy ang tanan sang Filipino sa pungsod nga mag-evacuate bangud sa nagasaka nga tensyon rason kun ngaa ginpaidalum ang Lebanon sa Alert Level 3, nga nagapahanugot sang voluntary repatriation.
Suno kay Department of Migrant Workers (DMW) Secretary Hans Leo Cacdac, 13 ka mga overseas Filipino workers kasubong man tatlo ka mga kabataan ang ginrepatriate nagikan sa Lebanon sang Sabado.
Suno sa DMW, ang mga Filipinos nga narepatriate sa koordinasyon kaupod ang Department of Foreign Affairs kag Overseas Workers Welfare Administration.
Kapin 45 ka mga Filipino sa Lebanon ang ginalauman nga mag-abot sa Pilipinas sa masunod nga semana.
Magluwas sa repatriations, ginpahayag ni Cacdac nga sila ang nagapatigayon sang “onsite monitoring” kag nagakoordinar sa Filipino community sa Lebanon para sa evacuation efforts sa pungsod.
Una na ginpahayag ni DFA Undersecretary Eduardo de Vega nga sa 1,000 ka mga indibidwal nga nagrequest sang repatriation, 356 ka mga indibidwal na ang nakapauli sa Pilipinas.
