BACOLOD CITY – Malapit napulo ka libo nga football fans ang ginalauman nga magatipon sa Panaad Park and Stadium diri sa ciudad sang Bacolod agud nga saksihan ang isa ka match sang 2017 AFC Cup.
Magaatubangay karun sa gab-i ang Ceres Negros Football Club kag ang Tampines Rovers sang Singapore para sa Group G match.
Target sang Ceres Negros nga maangkon ang homecourt advantage batok sa Rovers nga ginlutos man sini sa ulihi nila nga pag-face off diri man sa Panaad Stadium sang nakaligad nga tuig sa score nga 2-1, apang ginalauman ang hugot nga hampang matapos ang 2-1 victory sang Singapore sa Malaysia’s football team nga Felda.
Nahibaluan nga halin ang football team nga nakabase sa Negros Occidental sa 1-1 draw batok sa Ha Noi Football Club sang Vietnam sang Martes sang gab-i sa AFC Cup Group Cup opener sa My Dinh National Stadium.
Nagpanawagan naman sanday Negros Occidental Governor Alfredo Marañon Jr. kag Vice Governor Eugenio Jose Lacson sang suporta sang mga taga-probinsya sa away sang Ceres Negros Football Club.
