Nakaabot na sa Pilipinas ang 10,000 metric tons (MT) sang fresh yellow onions nga makabulig nga magapabilin nga estable ang presyo sang domestic stocks sa mga merkado sa pungsod.
Santo sa data sang Bureau of Plant Industry (BPI), ini nga 10,370 MT sang fresh yellow onions ang na-import sa Pilipinas as of Oct. 24.
Ang latest figure amo ang 65 percent sang 16,000 metric tons import volume nga aprubado ni Agriculture Secretary Francisco Tiu Laurel Jr. sang Agusto kasunod sang ginalantaw nga pagnubo sang stocks sang locally produced yellow onions.
Sa nasambit nga imports, 1,173 metric tons ang napasulod sa August, samtang 5,857 metric tons sa September kag 3,140 metric tons sang October.
Sa data sang BPI, wala sang bisan isa nga pula nga bombay ang napasulod sa Pilipinas bangud ginpaiway anay sang DA ang importation plano bangud sa bumper harvest subong nga tuig.
Ang locally produced stocks sini ang ginalantaw man nga makadangat tubtub sa una nga quarter sang 2025.
May yara pa sang at least 77,675 MT sang red onions sa local cold storages base sa separado nga BPI report.
