104 tanan ka volcano-tectonic earthquakes ang narekord sang seismic monitoring network sa western flank sang Bulkan Kanlaon sa nakaligad nga 24 oras.
Isa ka linog nga nagabaskog sang magnitude 3.0 ang narekord alas-5:07 kahapon sang kaagahon kag ini ang nadetect sang Philippine Seismic Network.
Nabatyagan ang Intensity II sa La Carlota City, Negros Occidental.
Ang aktibidad sa vent sang bulkan ang ginalakipan sang mahina nga emission sang aso nga nagataas sang 300 metros padulong sa direksyon nga naaminhan-nakatungdan kag nabagatnan-nasidlangan.
Ang sulfur dioxide emission ang ginabanta nga yara sa average nga 438 tons per day sang Hunyo 13.
Ang ground deformation data nagikan sa padayon nga GPS measurements ang nagapakita nga may yara sang slight deflation sa lower kag mid slope halin sang bulan sang Enero.
Nagpahanumdom naman ang PHIVOLCS sa publiko nga nagapabilin ang Alert Level 1 sa Bulkan Kanlaon nga nagakahulugan nga yara ini sa abnormal condition kag yara sa unrest.
Ginapahanumdom man nga ginadumilian ang pagsulod sa 4-kilometer radius permanent danger zone bangud sa posibilidad sang gulpyada kag delikado nga steam-driven ukon phreatic eruptions.
