Ginpahayag sang South Africa nga sila ang magahost sang BRICS bloc summit sa Agosto, santo sa plano.
Ini matapos ang mga nagagwa nga espekulasyon sang posibilidad nga ini ang ipasa sa China agud nga makatambong si Russian President Vladimir Putin sa pungsod nga ini obligado nga mag-aresto sa iya natuhoy sa akusasyon sang war crimes.
Nahibaluan nga ang South Africa bilang signatory sa International Criminal Court (ICC), ang may responsibilidad nga arestuhon si Putin sa tion nga ini ang magtambong sa BRICS summit, ukon paghinun-anon sang mga lider sa Brazil, Russia, India kag China.
Ang arrest warrant ang bangod sa gina-alegar deportation sang mga kabataan gikan sa Ukraine, apang ini ang hugot naman nga ginapanginwala ni Putin.
Sang Hunyo 17, nagkitaay man sanday South African President Cyril Ramaphosa kag Putin sa Russia, ilabi na nga ang Presidente ang mabaskog nga kaalyadp sang governing African National Congress (ANC) humalin sang nagluntad ang liberation movement pila na ka dekada ang nakaligad.
Ginpahayag sang Department of International Relations sa South Africa, nga sila ang magapadayun sa paghost sa 15th BRICS Summit sa Sandton Convention Centre sa Sandton, Johannesburg, humalin Agosto 22 tubtob 24, 2023.
