Patay ang 11 anyos nga bata nga lalaki matapos na-isolan sang 10 wheeler truck sa bahin sang Reclamation Area kahapon sang hapon.
Suno kay Police Corporal Ariel Dario, imbestigador sang Police Station 1, ala-1:30 kahapon sang hapon sang naga-palupad sang burador ang biktima nga si Christian Sabillo sa Reclamation Area, Prk. Boluevard, Barangay 14, syudad sang Bacolod sang siya ang na-isolan sang 10 wheerler truck nga Lopez Sugar Corporation nga gin-maneho ni Regan Rekiron.
Ginpahayag man ni Dario nga nagatalikod ang bata samtang naga-palupad sang burador, kag bangud isa ini ka apa kag bungol, wala niya nabatian nga naga-isol ang truck nga maga-park kuntani sa nahamtangan sini. Wala naman ni Requiron natalupangdan ang bata rason nga iya ini nabunggu-an.
Dunot ang lawas sang biktima, samtang yara naman karun sa kustodiya sang Bacolod Police Station 1 ang driver kag ginahulat pa ang desisyon sang pamilya sang biktima kun sila ang magapasaka sang kaso.
Sa interview naman sang Bombo Radyo Bacolod sa magulang sang biktima nga isa man ka menor de edad, masami nga naga-tambay ang iya manghod sa lugar, sa diin ini ang nagapang-scrap kag nagapalupad sang burador.
