Gindeklarar nga dead on arrival sa ospital ang 11 anyos nga bata nga lalaki matapos nga malumos sa Lupit River, Brgy. Villamonte, Bacolod City.
Sa interview sang Bombo Radyo Bacolod kay Kris Dela Cruz, Team Leader, search and rescue team sang Bacolod City Disaster Risk Reduction Management Office-Bacolod, sang nabaton nila ang report mga pasado alas 12:00 ang takna sang udto kun sa diin ginsumay nila ang suba.
Suno kay Dela Cruz, nadugayan antes maretrieve ang nalumos nga bata.
Ang nakakita sa bata ang residente man sang lugar kun sa diin ginbuligan sang mga rescuers nga madala sa takas kag gindala man gilayon sa Corazon Locsin Montelibano Memorial Regional Hospital apang pag-abot, gindeklarar nga dead on arrival.
Antes pa man ini gindala sa ospital ginpatigayunan ini anay sang Cardiopulmonary resuscitation (CPR).
Ginpahayag nga ginpasugtan ang bata bangud masami niya man kaupod nga maglangoy ang duha ka mga kabataan nga nakatakas.
Santo man sa impormasyon, ang bahin sang suba nga ginpaliguan sang mga bata ang manabaw apang mahimo nga nakadanlog ang 11 anyos gani nalumos ini.
