Ang heat index sa onse ka mga lugar sa bug-os nga Pilipinas ang nagdangat na sa “danger” nga lebel sang Dominggo, Nobyembre 1, kadungan sang pagdagsa sang mga pamilya sa mga sementeryo para sa pagbisita sa ila mga nagtaliwan nga pinalangga.
Santo sa computed heat index forecast sang PAGASA, ang mga automated weather stations sa pila ka mga lugar ang nakarekord sang heat index nga indi magnubo sa 42 degrees Celsius sang Domingo, lakip diri ang:
Bacnotan, La Union
San Jose, Occidental Mindoro
Cuyo, Palawan
Legazpi City, Albay
Negros Island Region partikular sa Siquijor
Borongan, Eastern Samar
Maasin, Southern Leyte
Hinatuan, Surigao del Sur
Lunsay naka-record sang heat index nga 42 degree celcius, samtang 43 degrees celcius naman sa Catarman, Northern Samar kasubong man sa Dipolog, Zamboanga del Norte, kag 44 degrees celcius sa Coron, Palawan.
Gin-classify sang PAGASA nga “danger” ang heat index nga 42°C, kag nagpaandam nga may posibilidad sang mga heat cramps kag heat exhaustion kasubong man ang heat stroke kun malawig nga nagpabulad sa adlaw.
Nagpahanugyan ang mga otoridad sa publiko nga mag-inom sang bastante nga tubig, likawan ang malawig nga exposure sa adlaw, magsuksok lamang sang manipis nga panapton, maggamit sang payong ukon magsuksok sang kalo, magtinir sa landong kag mabugnaw nga lugar, kag importante nga nakahibalo sang first aid nahanungod sa heat-related nga mga emerhensya.
