Sulod sa finals sang pila ka kategorya sang 2026 KBP Golden Dove Awards ang 19 ka entries sang Bombo Radyo Philippines.
Kalakip diri ang Bombo Radyo Iloilo para sa Best AM Radio Station – Provincial, Star FM Manila para sa Best FM Radio Station – Metro Manila, at Star FM Bacolod para sa Best FM Radio Station – Provincial.
Sulod man sa Best Newscast – Metro Manila ang Bombo Network News, samtang ang Bombo Radyo CDO kag Bombo Radyo Iloilo ang parehas nga finalist sa Best Newscast – Provincial.
Kalakip man sa mga finalist ang Bombo Radyo Cebu para sa Best Special Program, Bombo Radyo Koronadal para sa Best Sports Program, Star FM Baguio para sa Best Public Service Announcement, kag Bombo Radyo Roxas kag Star FM Baguio para sa Best Radio Station Promotional Material.
Matalupangdan nga may mga kategorya nga magabunggu-anay ang mga estasyon sang Bombo Radyo kag Star FM, partikular na sa Best Newscast – Provincial, kun sa diin maga-atubangay ang Bombo Radyo Cagayan De Oro kag Bombo Radyo Iloilo, kasubong man sa Best Radio Station Promotional Material, kun sa diin maga-atubangay ang Bombo Radyo Roxas kag Star FM Baguio.
Ini ang pamatuod sang padayun nga pagtinguha sang mga estasyon sang Bombo Radyo kag Star FM nga magpalab-ot sang maayo nga pagbalita kag mga serbisyo publiko para sa bilog nga pungsod.
