Nakagwa na sa ospital ang 11 ka mga nakaangkon sang minor burn injuries sa fireworks display incident nga nagluntad sa Kabankalan City sang Domingo, Agosto 2 sang gab-i.
Ang mga napilasan ang ginkilala kanday alias “Junie”, 57 anyos, kasado, reservist, kag residente sang Barangay Talacdan, Cauayan; alias “Fil”, 52 anyos, male, kasado, wala sang trabaho, kag residente sang Barangay 5, Kabankalan City,; alias “Jaja”, 28 anyos, lalaki, single, city employee, kag residente sang Barangay Tagoc, Kabankalan City; alias “Rody”, 34 anyos, lalaki, single, event production staff, kag residente sang La Carlota City,; alias “Ranny”, 32 anyos, male, single, office staff, kag residente sang San Vicente Subdivision, Hinigaran, Negros Occidental; alias “Noel”, 33 anyos, male, single, staff sang Magic Audio System, kag residente sang Barangay Sta. Cruz, Murcia, Negros Occidental; alias “Nel”, 36 anyos, male, single, staff sang Magic Audio System, kag residente sang Barangay Anayon, San Enrique,; alias “Al”, 24 anyos, male, single, staff sang Magic Audio System, kag residente sang Barangay Sta. Cruz, Murcia; alias “Angel”, 34 anyos, female, single, production manager, kag resident sang Barangay Singcang Airport, Bacolod City, Negros Occidental; alias “Armel”, 40 anyos, female, married, teacher, residente sang Barangay Enclaro, Binalbagan; kag isa ka 17 anyos, male, single, student, kag residente sang Barangay Linao, Kabankalan City, Negros Occidental.
Sa interview sang Bombo Radyo Bacolod kay Police Lt. Col. Gary Resuma, Chief of Police sang Kabankalan City Police, ginsabat sang tag-iya sang fireworks display operator ang balayran sa ospital sang mga nasamaran nga nakagwa naman tanan sa ospital.
Suno kay Resuma, lunsay mga minor burn injuries ang naagom sang mga biktima.
Ang fireworks display ang ginpatigayon sang Domingo sang gab-i sa highlights sang Kabuganaan Festival sa nasambit nga ciudad kag ginkontrata lamang ang nagpatigayon sini.
Ginalantaw nga wala maglupok sa ibabaw ang aerial fireworks kag nahulog sa duta antes maglupok rason nga may nasamaran nga mga tawo.
