11 ka miyembro sang isa ka pamilya, nakaluwas sa pagkulob sang motorbanca sa baybayon sang Bago City

Luwas ang 11 ka myembro sang pamilya Saquital matapos nagkulob ang ila ginasakyan nga motorized banca sa baybayon nga sakop sang Bago City kagab-i, Mayo 15.

Santo sa report, natabo ang insidente pasado alas-6:00 sang gab-i samtang nagabyahe padulong sa Guimaras ang nasambit nga banca.

Sa inisyal nga imbestigasyon, ginapatihan nga mabaskog ang mga balod kag indi maayo ang kondisyon sang dagat ang nangin rason sang pagkulob sang passenger vessel.

Samtang, pasado alas-7:00 sang gin-rescue ang mga biktima.

Gilayon man nga naluwas ang tanan nga biktima kag gindala sa Bago City Hospital agud mahatagan sang atensyon medikal kag ma-examine ang ila kondisyon.