Ginpahayag sang Department of Foreign Affairs nga na-evacuate na ang 11 ka Overseas Filipino Workers (OFWs) sa Turkey gikan sa Iran sa tunga sang nagalala nga tensyon sa Middle East.
Suno sa DFA, ginpatigayon ang evacuation sang mga Pilipino pinaagi sa koordinasyon sang mga embahada sang Pilipinas sa Tehran kag Ankara, kag natalana nga makabalik sa Pilipinas sa mga masunod nga adlaw.
Samtang ginasiguro man sang ahensya nga padayon nila nga ginabuligan ang masobra 800 ka Pilipino nga sa karon nagatinir sa Iran nga luyag makapauli sa Pilipinas.
Angot diri, ginpanugyanan sang DFA ang mga Pilipino nga nagakinahanglan sang bulig nga gilayon magpakig-angot sa embahada pinaagi sa ila nga official hotline kag social media accounts.
Samtang, santo sa datos sang Gobyerno, may yara sang kabug-usan nga 1979 ka Pilipino sa siyam ka pungsod sa Middle East ang luyag nga ma-repatriate kun sa diin pinakadamo sa ila ang naggikan sa Kuwait nga may 633 ka OFWs.
Apang, nagapabilin nga sirado ang airspace sa iban nga bahin sang rehiyon bangud sa nagapadayon nga gyera.
