11, patay matapos ginpaarakan sang luthang sang mga armado ang balay nga nagapatigayon sang selebrasyon sa South Africa

Indi magnubo sa onse ka tawo ang ginbawian sang kabuhi matapos ginpaarakan sang luthang sa bahin sang Durban City, South Africa.

Santo sa mga otoridad, ginsulod sang tatlo ka armado nga lalaki ang isa ka balay nga nagapatigayon sang selebrasyon.

Nagpaarak sang lupok ang mga suspek sa mga biktima.

Nagresulta ini sa gilayon nga kamatayon sang napulo ka indibidwal samtang ang isa ang nadala pa sa ospital apang ginbawian man sang kabuhi.

Padayon naman ang hot pursuit operation sang mga otoridad sa mga suspetsado kasubong man sa pagtumod sang posible nga motibo sa krimen.