Patay ang onse ka persona samtang pilason ang lima ka iban pa matapos nga maaksidente ang ginasakyan nga pick-up sa isa ka depampasahero nga bus sa Abulug, Cagayan, subong nga adlaw, Hwebes, Hulyo 11.
Suno sa report sang mga police, ang mga biktima nga magparyentehanay ang nagikan sa haya sang napatay nila nga himata.
Samtang, ang driver sang bus kag ang conductor ang nakaadmit sa ospital.
Ang mga pasahero nga nakaangkon sang minor injuries ang nakapauli na.
Suno sa report, natabo ang aksidente matapos nga gin-alegar nga ginbungguan sang bus ang pickup sa intersection sa Ayaga Junction sa
Barangay Lucban, Abuyug, Cagayan, alas 12:00 ang takna sang kaagahon.
Suno sa mga police, makita sa video footage nga nalantaw sang mga ini, ang pick-up ang nagdiretso, sabaylo nga magliko sa nawala nga direction padulong sa Tuguegarao, kag hinali nga naggwa sa main highway kag timing man nga padulong na ang bus nga nagresulta sa nasambit nga aksidente.
