115 ka mga fire prone areas ang naidentify sang Bureau of Fire Protection sa 61 ka mga barangay sa ciudad sang Bacolod.
Sa interview sang Bombo Radyo kay Bacolod City Fire Marshall Fire Chief Inspector Stephen Jardeleza, suno sa report sang Training and Community Relations Unit nga nagpatigayon sang inspection kag training, ila naidentify ang 115 ka mga fire prone areas sa 61 ka mga barangays sa ciudad.
Suno diri, ini ang mga congested areas ukon may magutok nga mga alagyan kag naga-ikit-ikit nga mga pamalay.
Suno sa iya, nalakip man diri ang mga alagyan nga may mga kable, madamo sang nagaparking kag indi gilayon nga maimplementar ang mga stratehiya agud matapna ang sunog.
Suno kay Jardeleza, ang BFP ang naglunsyar sang Oplan Ligtas Pamayanan duha ka tuig na ang nakaligad kag ini ang nakafocus sa programa sa mga barangay.
Suno sa iya, kada quarter may yara sang aktibidad kag nalakip na diri ang pagtukod kag pagtrain sang Community Fire Auxillary Group.
May ginatawag man nga Community Fire Protection Plan nga pwede mahimo sa kada purok kag ginalakipan sang measurement sang dalan, pagbutang sang signages kag pagpahanumdum sa mga pumuluyo.
