116 ka mga tawo ang patay sa stampede nga nagluntad sa overcrowded nga Hindu religious gathering sa northern India kahapon, July 2.
Ang dako nga crowd ang nagtipon para sa sermon sang bantog nga preacher malapit sa ciudad sang Hathras, apang nagpanic ang mga ini sang manugbiya na sila sa lugar bangud sa dust storm.
Ang mga napatay ang natampukan sang iban nga tawo kun sa diin iban sa ila ang natumba sa drainage.
Suno kay Chaitra V., divisional commissioner sang Aligarh city sa Uttar Pradesh state, manug-gwa na kuntani sa venue ang mga tawo apang indi na sila makakita sang alagyan bangud sa dust storm.
Magluwas sa 116 ka mga tawo nga napatay, 18 ka iban pa ang injured.
Suno kay state chief medical officer Umesh Kumar Tripathi, kalabanan nga napatay ang mga babayi.
