All set na ang 12 ka mga Brgy sa ciudad sang Bacolod para sa Bacolod Electric Masskara 2025 karun sa gab-i.
Suno kay Christine Mereria, chairman sang Electric Masskara Festival 2025, ang float parade maumpisa sa Upper East padulong sa Bacolod City Government Center.
12 ka mga Brgy ang magapartisipar nga ginalakipan sang Brgy 2, 5, 8, 12,17, 19, 32, 33, 34, Cabug, Granada, kag Mansilingan.
Ginhatagan sang P300,000 nga subsidy ang kada Brgy kag may yara sang tatlo ka tema nga ginhatag nga amo ang One City, One Smile kag One Heart.
Sa One Smile nga tema ipabugal sang Brgy 5 ang Rum Festival, Brgy Cabug para sa Film Festival, Brgy34 para sa Bacolaodiat Festival kag Brgy Granada para sa Inasal Festival.
Para sa One City nga tema ipabugal sang Brgy 33 ang Bacolod Public Plaza, Brgy 19 para sa Art District kag Bgy 8 para sa Yulo’s Park kag Brgy 33 para sa San Sebastian Cathedral.
Para sa One Heart nga tema ipabugal sang Brgy 17 ang Cansi, Brgy 2 para sa seafood, Brgy 32 para sa pasalubong kag Brgy Mansilingan para sa mga cakes.
Ang grand champion mabaton sang P350,000 nga premyo, samtang ang 1st runner up naman mabaton sang P200,000 kag P150,000 para sa 2nd runner up.
