Indi magnubo sa 12 ka mga persona ang nagkalamatay kag 18 naman ang missing matapos nagluntad ang landslide sa isa ka illegal gold mine sa isla sang Sulawesi sa Indonesia bangud sa mabaskog nga ulan.
Suno kay Heriyanto, head sang local rescue agency, ang landslide nga natabo sang Domingo sa distrito sang Suwawa sa probinsya sang Gorontalo, ang nagpatay sa mga minero kag mga residente nga nagapuyo malapit sa illegal nga minahan.
Magapadala naman sang isa ka helicopter agud mag-assist sa rescue operation sa mabudlay nga terrain.
Suno sa disaster agency sang Indonesia, naguba ang pila ka mga pamalay kag isa ka taytay bangud sa landslide.
Nagpaandam man ang ahensya nga ginalauman pa ang pag-ulan sa pila ka mga areas sa probinsya sang Gorontalo.
Ginpanugyanan ang mga pumuluyo nga mangin alerto pananglitan may dugang pa nga kalamidad.
