Pirmado na ni President Ferdinand Marcos Jr. ang pagpatuman sang Value Added Tax (VAT) sa Digital Services Law sa Ceremonial Hall sa Malacañang Palace.
Suno kay Marcos, ang Republic Act (R.A.) No. 12023 ukon ang bag-o nga layi ang magamando sa pagpatuman sang 12 percent VAT sa non-resident digital service providers agud makaganar sang dugang nga revenue ang gobyerno.
Nalakip sa nasambit nga layi ang mga serbisyo kaangay sang online search engines, online marketplaces, cloud services, online media and advertising, online platforms kag digital goods.Ginakabig naman ini nga isa sa mga priority measures sang Marcos Administration, sa diin katuyuan sini nga masolusyunan ang revenue losses bangud sa indi maathag nga mga layi kaangot sa taxation sa e-commerce transactions.
Ginatutukan sang layi ang foreign companies nga wala nabase sa pungsod, apang padayon nga nagahatag sang serbisyo sa mga Filipino consumers.
Ginabanta nga magadangat sa P105 billion ang masulod nga pondo sa gobyerno.
