126 ka bag-o nga mga kaso sang COVID-19 ang narekord sa Negros Occidental kahapon samtang 109 naman sa ciudad sang Bacolod.
Sa COVID-19 Case Bulletin No. 166 nga ginpagwa sang Department of Health Western Visayas, 250 ka dugang nga mga kaso ang narekord sa Region 6 kahapon kun sa diin 126 ang nagikan sa Negros Occidental; 109 sa Bacolod City; 11 sa Iloilo City; tatlo sa Iloilo kag isa sa Guimaras.
Nadugangan man sang 273 ka mga recoveries ang Western Visayas kun sa diin 238 ang nagikan sa Iloilo City; 24 sa Iloilo; kag anum sa Bacolod.
Isa naman ka fatality ang narekord nagikan sa ciudad sang Iloilo.
Nagdangat na sa 6,632 ang kabug-usan nga kaso sang coronavirus sa Region 6 kun sa diin 3,013 ang aktibo nga mga kaso; 3,524 ang recoveries; kag 95 ang fatalities.
Sa karun, ang kabug-usan nga kaso sa Bacolod ang nagdangat na sa 2,165 samtang ang kaso naman sa Negros Occidental ang nagdangat na sa 1,708.
