127 ka mga empleyado sang City Disaster Risk Reduction Management Office (CDRRMO) kag City Environment Management Office sang ciudad sang San Carlos ang ginpaidalum sa random drug test.
Suno kay Joe Recalex Alingasa Jr, pinuno sang CDRRMO, nagselebrar sang kapiyestahan ang ciudad sang Nobyembre 5 kag pagkasunod nga adlaw, Nobyembre 6, alas- 8:00 sang aga ginpatawag ang mga empleyado agud nga ipaidalum sa drug test.
99 ka empleyado sang CDRRMO ang lunsay nagnegatibo sa drug test, samtang may isa naman nga nagpositibo sa City Environment Management Office.
Ini na sa karun ang ikaduha nga kahigayunan nga 100 percent nga nagnegatibo sa drug test ang mga empleyado sang CDRRMO nga ginpasalamatan man ni Alingasa.
Samtang, sa Nobyembre 7 may ginpatigayon nga drug test sa mga traffic enforcers sa ciudad apang wala pa naka-abot ang resulta.
