13-anyos sa Cadiz, ginhimuslan sang hinablos sang iya madrasto

Isa ka 13-anyos nga babaye ang gina-alegar ginhimuslan sa ciudad sang Cadiz, Lunes sang aga.

Pilason nga gindala sa Corazon Locsin Montelibano Memorial Regional Hospital ang biktima mga alas-4:30, Lunes sang hapon.

Sa impormasyon nga nakuha sang Bombo Radyo Bacolod, nagpadulong sa eskwelahan ang biktima alas-9:00 sang aga apang nasapwan ini mga alas-10:00 sang aga kag duguon na.

Nakaangkon sang pilas sa guya kag ulo ang biktima.

Ginapahayag nga ginlampusan sang bato ang biktima sang hinablos sang iya stepfrather nga nagtuyo nga maghimulos sa iya.

Sa karun, gina-tsekyar pa kun natigayon gid nga mahimuslan ang 13-anyos nga estudyante.