Matapos mahatagan sang Royal pardon, hilway kag nakabalik na sa Pilipinas ang 13 ka mga Pinay nga nangin surrogate moms kag nahatulan sang korte sa Cambodia nga mapriso bangud sa paglapas sa human trafficking.
Suno sa Department of Foreign Affairs, ang 13 ka mga kababainhan ang lunsay nagbiya sa Phnom Penh kag nag-abot sang luwas sa Manila matapos mahatagan sang Royal Pardon ni His Majesty Preah Bat Samdech Preah Boromneath Norodom Sihamoni sang Disyembre 26, 2024.
Sang Disyembre 2, ginhatulan sang korte sa Cambodia ang 13 ka mga Pinay nga mapriso tubtob sa apat ka tuig bangud sa paglapas sa Suppression of Human Trafficking, matapso ang ila pagbusong para sa iban nga pamilya.
Suno sa DFA, matapos ang request sang Philippine Embasy kag endorsement sang Royal Government of Cambodia, nahatagan sang ligwa ang pagpardon sa 13 ka mga Filipino agud sila ang marelease kag gilayon nga marepatriate.
Suno sa ahensya, ang pagpabalik sa 13 ka mga Pinay ang pamatuod sang madugay kag maayo nga relasyon sang duha ka pungsod.
