-- ADVERTISEMENT --
Nagdangat sa kapin 13 ka volcanic earthquakes ang na-record sa bulkan Kanlaon sa nakaligad nga 24 oras humalin Nobyembre 25 tubtob alas 12:00 sang kaagahon sang Nobyembre 26.
Suno sa monitoring sang Philippine Institute of Volcanology and Seismology (PHILVOCS), ang Bulkan Kanlaon ang nagbuga sang 5,845 ka tonelada sang sulfur dioxide sa sulod sang 24 oras.
Nagapadayon naman ang ‘swelling’ ukon paghubag sang lawas sang bulkan, sa karon yara sa gihapon sa Alert Level 2 ang Bulkan Kanlaon.
Ginadumilian sagihapon ang pagsulod sang mga residente sa 4-kilometer permanent danger zone.
