Ginabanta nga 13 tubtob 18 ka mga tropical cyclones ang magasulod sa Pilipinas subong nga tuig suno sa Philippine Atmospheric, Geophysical and Astronomical Services Administration (PAGASA).
Suno kay DOST-PAGASA Deputy Administrator for Research and Development Dr. Marcelino Villafuerte II, ini ang mas manubo sang sa average nga numero sang mga bagyo nga masami nagasulod sa Philippine Area of Responsibility kada tuig nga nagadangat sa 19 tubtob 20.
Sang tinalikdan nga tuig, mas manubo ini bangud 11 lamang ka mga tropical cyclone ang nagsulod sa pungsod bangud sa El Nino.
Sang Miyerkules, gindeklarar na sang PAGASA ang pagsugod sang tig-ululan apang suno kay Villafuerte, pila ka bahin sang pungsod ang maka-eksperyensya sa gihapon sang mainit nga tiyempo sa masunod nga mga inadlaw bangud ang Pilipinas ang naga-eksperyensya sa gihapon sang tail end sang El Nino.
Samtang, ang La Nina naman ang ginalauman nga magaapekto sa pungsod sumugod sa third quarter sang 2024 tubtob sa masunod nga tuig.
