Nagpatigayon sang labing-una nga drug test ang Negros Occidental Police Provincial Office subong nga tuig 2025.
Sa interview sang Bombo Radyo Bacolod kay Negros Occidental Police Provincial Office Spokesperson Police Captain Judesses Catalogo, 133 ka mga personnel ang nagpaidalum sa drug testing kalakip na ang non-uniformed personnel.
Suno kay Catalogo, ini ang una nga drug test subong nga tuig kag ginalauman nga makuha ang resulta sa Biyernes.
Suno diri, ini nga tikang ang ginahimo bilang mandato sa tanan nga personnel sang Philippine National Police Uniformed kag Non-Uniformed nga magpaidalom sa mandatory drug testing sa bisan ano nga oras.
Ang PNP ang may yara sang ginapatigayon nga surprised, random, monthly kag quarterly drug testing.
Suno kay Catalogo ginapatigayon ang drug testing agud nga masiguro nga clear sa paggamit sang illegal substance ang mga personnel sang Philipine National Police.
Ang mga magapositibo naman ang resulta ang magapaidalom man sa due process kun sa diin ang personnel ang hatagan sang 15 ka adlaw agud nga icontest ang drug testing result.
Sa nasambit nga 15 ka adlaw ang nasambit nga drug test result ang igadal-on sa national confirmatory commission sa Manila agud nga itest ang nasambit nga resulta.
Kun magpositibo may pangatubangon ang personnel nga administrative kag criminal case.
Samtang negatibo ang nangin resulta sa mandatory drug testing ang masobra 300 ka personnel sang Negros Occidental Police Provincial Office (NOCPPO) kalakip na si Provincial Director Police Col. Reniero de Chavez.
Ang drug test ang ginpatigayon ang drug test sang Desyembre 10, 2024.
