Kabug-usan nga 134 ka mga Bacolodnons nga ginakabig nga locally stranded individuals ang nag-abot sa Bacolod-Silay Airport sang Martes sang hapon.
Sakay sila sa special chartered flight nga ginfacilitate ni Councilor Cindy Rojas, chair sang Action Team on Non-OFW Returning Residents (ATNORR) nga ginhimo niCouncilor Cindy Rojas
Suno kay Rojas, nagapasalamat ini bangud matapos ang tanan nga kabudlayan, ang nasambit nga mga residente ang napapauli na sa Bacolod.
Suno sa iya, ginatinguhaan nila nga ang basehan sang pagpabalik sa mga ini ang first-come, first served basis, bangud indi man sarang nga mapabalik ang tanan sang dungan bangud indi ang mga ini sarang nga ma-accommodate sang quarantine centers sa ciudad.
Sa mga LSIs, 36 ang mga estudyante kag volunteers sang University of Saint La Salle.
Iga-quarantine ang mga ini sang 14 ka adlaw sa Balay Kalinungan sang USLS.
Ang nabilin ang magapaidalum sang ila 14-day mandatory quarantine sa M.G. Medalla Integrated School kag ETCS-4.// Ini ang ikalima nga batch sang LSIs nga direkta nga nabaton sang city government paagi sa ATNORR.
Ang mga residente sang Bacolod nga nastranded sa Manila samtang gina-implementar ang community quarantine ang nag-abot sa Bacolod-Silay Airport via Philippine Airlines kag ginpick-up sang mga bus sang ciudad subong man sang USLS.
Sa karun, paagi sa ATNORR, nakafacilitate na ang ciudad sang repatriation sa malapit 300 ka mga nastranded nga residente nagikan sa nagkalain-lain nga parte sang pungsod.
