Tinguhaan ni Bacolod City Councilor Renecito Novero nga mapadasig ang paghatag sang sweldo sa 135 ka mga manunudlo sang Bacolod City College nga wala pa nakabaton sang sweldo halin sang Setyembre.
Sa interview sang Bombo Radyo Bacolod kay Novero, chairman sang committee on education sa Sangguniang Panlungsod sa Bacolod, ginpaathag sini nga sweldohanay sa mga manunudlo sa BCC ang nakadepende sa ‘actual service rendered’ nila.
Suno kay Novero, indi ang mga ini mabayaran kun indi mahuman ang kontrata.
Sa karon suno sa konsehal, ginaprosesoa na ang kontrata sang mga ini kag yara na sa City Legal Office agud matun-an.
Ipasa ini dayon sang CLO sa Mayor’s Office kag magahimo sang request si Mayor Evelio �Bing� Leonardia kag iya ini nga isumiter sa SP.
Diri kag magapasar dayon sang resolusyon ang SP agud nga mapirmahan sang alkalde.
Suno kay Novero, iya tinguhaan nga mapasulod sa session sa Miyerkules ang amo nga agenda.
Ginpasalig naman sini ang mga manunudlo nga mabaton gid nila ang ila sweldo apang maghulat-hulat lang sang diutay bangud ginaproseso pa ang ila kontrata.
