136 mil pesos nga balor sang iligal nga druga nakompiskar sa buybust operation sa syudad sang Silay

136 mil pesos nga balor sang iligal nga druga ang nakuha sa buybust operation nga ginpatigayon sa Barangay 5, Silay City.

Sa impormasyon nga nakuha sang Bombo Radyo Bacolod, ginkilala ang suspetsado kay Jose Vasquez, 52-anyos kag residente sang Barangay Mambulac ciudad sang Silay.

Nakuha sa paghinakop sini ang 15 tanan ka sachet sang suspected shabu lakip na ang buybust item nga nagabug-at sang 20 grams.

Nakahunong ini karon sa Silay City Police Station kag natalana nga pasakaan sang kaso sa pagbayolar sang Republic Act 9165 ukon Comprehensive Dangerous Drugs Act of 2002.