138 ang panibag-o nga nagdugang sa kaso sang COVID-19 sa probinsya sang Negros Occidental kahapon samtang 117 naman ang nagdugang nga kaso sa syudad sang Bacolod.
Sa COVID-19 Regional Case Bulletin No. 426 nga ginpagwa sang Department of Health Center for Health Development-Western Visayas, nadugangan sang 628 ang kaso sa Region 6.
Sa nasambit nga numero 70 diri ang nagikan sa Aklan; 19 sa Antique; 63 sa Capiz; siyam sa Guimaras; 116 sa Iloilo; 138 sa Negros Occidental; 117 sa Bacolod City kag 96 ang nadugang sa Iloilo City.
Bangud diri, nagdangat na sa 44,974 ang kabug-usan nga kaso sang COVID-19 sa Western Visayas kun sa diin nadugangan sang 179 ang mga nag-alayo sa balatian gani yara na ang kabug-usan nga recoveries sa 37,450 samtang nagdangat naman sa 1,101 ang death toll matapos madugangan sang 14 ka mga nagtaliwan bangod sa virus.
137 sa mga nadugang nga kaso sang COVID-19 sa probinsya sang Negros Occidental ang local cases kag isa ang locally stranded individual (LSI).
Samtang 114 naman sa panibag-o nga kaso sang Bacolod City ang Local Cases kag tatlo ang LSI.
Nagdangat na sa 9,245 ang kabug-usan nga kaso sang COVID-19 sa Bacolod kun sa diin 1,135 ang aktibo; 7,855 ang nag-alayo kag nagdangat na sa 253 ang nagtaliwan.
Samtang yara naman sa 14,439 ang kabug-usan nga kaso sang COVID-19 sa Negros Occidental kun sa diin 1,651 ang aktibo; 12,501 ang nag-alayo kag nagdangat na sa 279 ang death toll.
