Nakuha na sang iloy ang bata sini nga 14 anyos nga babayi nga nakita sa Brgy Burgos, ciudad sang Cadiz matapos nga madula sang kapin sa duha ka semana gikan sa Dingle, Iloilo.
Ang bata ang residente sang Dingle, Iloilo kag nadula sa sulod sang 12 ka adlaw.
Siya ang ulihi nga nakit-an nga nagpadulong sa eskwelahan sang aga apang wala na nagbalik pa sang hapon.
Ini ang nag-upod sa iya abyan nga lalaki nga residente sa ciudad sang Cadiz.
Nakit-an na lamang ini sa housing village sa Brgy Burgos kag amo nga ginreport sa Cadiz City Police Station- Women and Children Protection Desk.
Sa interview sang Bombo Radyo kay Irene Javelona, Officer in Charge sang Cadiz City Social Welfare and Development, ginturn-over sa ila ang bata kag sa karun kaupod na sini ang iya iloy sa pagpauli sa Iloilo.
Suno diri, nagmessage ang bata sa kaingod balay nila sa Dingle nga siya ang yara sa Cadiz kag didto na nahibaluan sang iya ginikanan kun diin ini nagpadulong.
Mismo ang bata man ang naghambal nga luyag na sini nga magpauli.
Samtang maayo naman ang kondisyon sang bata.Nahibaluan naman nga ang bata nga babayi ang naga-eskwela bilang grade 9 student kag bugtong nga anak sang iya ginikanan.
