Ginlabo sang hubog nga 14 anyos nga tapasero sang tubo ang iya kaupod sa trabaho nga 21 anyos nga lalaki sa Hda Carmont, Barangay Punta Salong, Manapla, Negros Occidental, sang Miyerkules, alas- 1:10 sang gab-i.
Ang biktima naga-edad sang 21, nga residente sang Brgy. Hila-itan, Guihulngan City, Negros Occidental samtang ang suspek naman naga-edad sang 14 nga residente sang Sitio Lukdo, Brgy. 1-A, Manapla, Negros Occidental.
Sa imbestigasyon sang Manapla Municipal Police Station, nagapungko ang bktima nagapungko sa payag kaupod ang isa nila ka kaupod sa trabaho sang nag-abot ang suspek nga yara sa impluwensya sang makahulubog nga ilimnon nga may bitbit nga binangon.
Ginlabo sang suspek ang biktima sa ulo apang nagbalos ang suspek kag amo na nga nagtambag ang ila mga kaupod.
Gindala ang biktima sa ospital agud hatagan sang nagakaigo nga pagbulong samtang ang suspek naman ginturn over sa Women and Children Protection Desk (WCPD).
