Ginpahayag sang Binalbagan Municipal Police Station nga may yara sang foul play nga nakita sa nagapadayon nga imbestigasyon sa nasapwan nga nagakaagnas nga walo ka tuig nga lalaki sa sulod sang kampo sang tubos sa Sitio Omot,Barangay Santol banwa sang Binalbagan,Sabado nga adlaw,Nobyembre 23.
Sa interview sang Bombo Radyo Bacolod kay Police Major Jun Ray Batadlan, wala pa tubtob sa karun nakagwa ang post mortem examination sa bangkay sang bata apang nagapadayon sila sa imbestigasyon kag may nakita sila nga foul play.
Suno kay Batadlan, may yara sila sang gin-imbetar nga persona agud nga magpadulong sa Binalbagan Municipal Police Station kag sang nainterview may yara sang nagconfess nga siya ang nagpatay sa walo ka tuig nga bata.
Suno sa hepe ang suspek sa pagpatay sa walo katuig nga biktima ang isa ka 14 anyos nga lalaki kag ang gingamit sini sa pagpatay amo ang binangon.
Wala man gintuad sang 14 anyos ang motibo sini sa pagpatay sa biktima.
Suno kay Batadlan, iturn-over sang Binalbagan Municipal Police Station sa Binalbagan Municipal Social Welfare and Development Office ang 14 anyos nga suspek.
Wala naman ginpabalik sang mga police ang 14 anyos nga suspek sa balay sang mga ini bangud nga may dako nga posibilidad nga ini ang balusan.
Ipailom naman ang suspek sa diversion program sang DSWD.
