Ang hambal gani, kun ikaw ang may yara sang kinaiya kag abilidad bisan ano pa ang sitwasyon sa kabuhi ini ang makita sa imo.
Kaangay lamang sang isa ka 14-anyos nga bata nga lalaki gikan sa Dallas, Texas, ang nagpakita sang abilidad pagkatapos makahimo sang isa ka smartphone app nga maka-diagnose sang heart disease sa sulod lamang sang pito ka segundo.
Si Siddharth Nandyala ang nag-ubra sang Circadian AI, isa ka artificial intelligence (AI) application agud mabatian ang pitik sang heart ukon korason sang isa ka tawo kag gilayon nga mahibaluan kun may problema sa cardiovascular system sang isa ka tawo.
Ang Circadian AI app ang gintestingan na sa masobra 15,000 ka mga pasyente sa U.S. kag 700 sa India, kag may 96 percent accuracy sa pagtukib sang heart disease.
Ginpresentar ni Siddharth ang iya imbensyon sa isa ka global summit sa Hyderabad, India kun sa diin ginpakita niya kun paano ang app makabulig sa mga komunidad nga wala sang nagakaigo nga access sa medical services.
Bangod sang iya kadalag-an, si Siddharth nakabaton sang pagdayaw gikan sa Indian government
